MMIHS
MMIHS
Student Quality Circle द्धारा स्नातक तहमा भर्ना भएका बिद्यार्थीहरुको लागि Oath Taking & White Coat Ceremony कार्यक्रम सम्पन्न गरेको छ । क्याम्पस प्रमुख डा. धर्म प्रसाद खनालज्यूको प्रमुख आतिथ्यता तथा Student Quality Circle का संयोजक तुलसी थापाको सभापतित्वमा सम्पन्न भएको कार्यक्रममा बिशिष्ठ अतिथि सहायक क्याम्पस प्रमुख प्रा. दुर्गा खड्का मिश्र रहनु भएको थियो । बिभागिय प्रमुखहरु प्रा. मन्दिरा वन्त, डा. खड्ग बहादुर श्रेष्ठ, सोम कान्त बराल, दिप्ती पिया बानिया र कोअडीनेटर क्रमश सन्ध्या बस्नेत, सुदिप खनाल, राजेश ठाकुर, फर्सुराम अधिकारीले बिद्यार्थीहरुलाई White Coat लगाउदै सपथ ग्रहण गराउनु भएको थियो । कार्यक्रमको उद्देश्य विद्यार्थीहरूलाई शैक्षिक ज्ञानमा सीमित नराखी, उनीहरूलाई जिम्मेवार, नैतिकवान, सेवामुखी स्वास्थ्यकर्मीका रूपमा स्थापित गर्ने थियो । क्याम्पस प्रमुखले आफ्नो मन्तव्यका क्रममा स्वास्थ्य क्षेत्रमा काम गर्दा उच्च नैतिक मापदण्ड कायम राख्नु पर्ने, बिरामीप्रतिको संवेदनशीलता र पेशागत मर्यादा सधैं प्राथमिकतामा राख्नुपर्ने विषयमा उत्पेरित गर्नु भएको थियो । सहायक क्याम्पस प्रमुख प्रा. दुर्गा खड्का मिश्रले कार्यक्रमको सफलता शुभकामना दिनु भएको थियो । कार्यक्रममा स्नातक तहका B. Sc. MLT, BNS, B. Sc. Nursing, B. Pharmacy र BPH कार्यक्रमका बिद्यार्थीहरुको White Coat लगाइ सपथ ग्रहण गराइएको थियो । कार्यक्रममा सभापतित्व गर्ने तुलसी थापाले सम्पूर्ण उपस्थित अतिथिगण र बिद्यार्थीहरुलाई धन्यबाद व्यक्त गदै कार्यक्रम समापन गर्नु भएको थियो ।